പഠനനിലവാരം മെച്ചപ്പെടുത്താൻ: മാവൂർ പഞ്ചായത്തിന്റെ 'മേശ-കസേര' വിതരണം ചെയ്തു

പഠനനിലവാരം മെച്ചപ്പെടുത്താൻ: മാവൂർ പഞ്ചായത്തിന്റെ 'മേശ-കസേര' വിതരണം ചെയ്തു

​എസ്.സി. വിദ്യാർത്ഥികൾക്ക് പഠനോപകരണങ്ങൾ നൽകുന്നതിനായി അഞ്ച് ലക്ഷം രൂപ വകയിരുത്തി

​

മാവൂർ: പട്ടികജാതി വിദ്യാർത്ഥികളുടെ പഠനനിലവാരം മെച്ചപ്പെടുത്തുന്നതിന്റെ ഭാഗമായി മാവൂർ ഗ്രാമപഞ്ചായത്ത് 2025-26 വാർഷിക പദ്ധതിയിൽ ഉൾപ്പെടുത്തി തയ്യാറാക്കിയ മേശയും കസേരയും വിതരണം ചെയ്യുന്ന പദ്ധതിക്ക് തുടക്കമായി. ഗ്രാമപഞ്ചായത്തിലെ എസ്.സി. വിദ്യാർത്ഥികൾക്കായുള്ള ഈ പദ്ധതിക്കായി അഞ്ച് ലക്ഷം രൂപയാണ് പഞ്ചായത്ത് വകയിരുത്തിയത്.

​മാവൂർ ഗ്രാമപഞ്ചായത്ത് പ്രസിഡന്റ് വളപ്പിൽ റസാഖ് ഉദ്ഘാടനം നിർവ്വഹിച്ചു. വൈസ് പ്രസിഡന്റ് ഫാത്തിമ ഉണിക്കുർ അധ്യക്ഷത വഹിച്ച ചടങ്ങിൽ വികസനകാര്യ സ്റ്റാൻഡിങ് കമ്മിറ്റി ചെയർമാൻ ടി. രഞ്ജിത്ത് സ്വാഗതം പറഞ്ഞു.

​പഞ്ചായത്ത് നടപ്പാക്കുന്ന ഈ പദ്ധതി വഴി വിദ്യാർത്ഥികളുടെ പഠനം നിലവാരം മെച്ചപ്പെടുത്താൻ സാധിക്കുമെന്ന് ഉദ്ഘാടകർ അഭിപ്രായപ്പെട്ടു. നേരത്തെയും എസ്.സി. വിദ്യാർത്ഥികൾക്കുള്ള വിവിധ പഠനോപകരണങ്ങൾ പഞ്ചായത്ത് വിതരണം ചെയ്തിട്ടുണ്ടായിരുന്നു.

​ആശംസകൾ അർപ്പിച്ചുകൊണ്ട് ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ടി.ടി. കാദർ, മെമ്പർമാരായ ഉമ്മർകുട്ടി മാസ്റ്റർ, കെ.എം. അപ്പു, കുഞ്ഞൻ, മോഹൻദാസ് എന്നിവർ സംസാരിച്ചു. പദ്ധതിയെക്കുറിച്ച് എച്ച്.എം. ഉണ്ണി ചികോൽ വിശദീകരിച്ചു. എസ്.സി. പ്രൊമോട്ടർ സുമിത നന്ദി രേഖപ്പെടുത്തി.