പകർച്ചവ്യാധി പ്രതിരോധം, ആയുർവേദ മെഡിക്കൽ ക്യാമ്പ് നടത്തി.

പകർച്ചവ്യാധി പ്രതിരോധം, ആയുർവേദ മെഡിക്കൽ ക്യാമ്പ് നടത്തി. 

ചെന്നലോട്:  വർദ്ധിച്ചുവരുന്ന പകർച്ചവ്യാധികളുടെ പ്രതിരോധം ലക്ഷ്യമിട്ട്  തരിയോട് ഗ്രാമപഞ്ചായത്ത് ഗവ ട്രൈബൽ ആയുർവേദ ഡിസ്പെൻസറിയുടെ ആഭിമുഖ്യത്തിൽ ഭാരതീയ ചികിത്സാ വകുപ്പ്, നാഷണൽ ആയുഷ് മിഷൻ എന്നിവയുടെ സഹകരണത്തോടെ ചെന്നലോട് സഹൃദയാകർഷക വായനശാലയിൽ വച്ച് ആയുർസൗഖ്യം എന്ന പേരിൽ പകർച്ചവ്യാധി പ്രതിരോധ മെഡിക്കൽ ക്യാമ്പ് സംഘടിപ്പിച്ചു. ക്യാമ്പിന്റെ ഉദ്ഘാടനം തരിയോട് ഗ്രാമപഞ്ചായത്ത് പ്രസിഡണ്ട് ഷമീം പാറക്കണ്ടി നിർവഹിച്ചു. വാർഡ് മെമ്പർ സൂനാ നവീൻ അധ്യക്ഷത വഹിച്ചു. ക്യാമ്പിൽ പങ്കെടുത്തവർക്ക് പരിശോധനകൾക്കൊപ്പം  പകർച്ചവ്യാധി പ്രതിരോധ മരുന്നുകൾ സൗജന്യമായി നൽകുകയും ജീവിതശൈലി രോഗ  പരിശോധനയും നടത്തി. ദേവസ്യ മുത്തോലിക്കൽ, എൻ സി ജോർജ് തുടങ്ങിയവർ സംസാരിച്ചു. മെഡിക്കൽ ഓഫീസർ ഡോ അജ്ഞുഷ സ്വാഗതവും പി സുബ്രഹ്മണ്യൻ നന്ദിയും പറഞ്ഞു.