ചെമ്പരത്തിപ്പൂവിൻ്റെ രോദനം

ചെമ്പരത്തിപ്പൂവിൻ്റെ രോദനം

(കവിത)

രചന : ഉംറാസ് മത്തിപ്പറമ്പ്

𝚅𝙰𝚁𝙰𝙼𝙾𝚉𝙷𝙸 𝙾𝙽𝙻𝙸𝙽𝙴 𝙼𝙰𝙶𝙰𝚉𝙸𝙽𝙴

പാടത്തും പറമ്പിലും

പന്തലിച്ചു നിൽക്കുന്നു

ചെമ്പരത്തി നീ,

നിൻ്റെ ഇതളുകളിൽ

നൂറായിരം സ്വപ്നങ്ങൾ

നൂറായിരം വേദനകൾ.

​നിന്നെ തേടിയെത്തുന്നു.

മന്ത്രവാദത്തിൻ്റെ ഇരുൾ

പൂജാകർമ്മത്തിൻ്റെ വെളിച്ചം

അവർക്കറിയുമോ, നിൻ്റെ

മൗനത്തിൻ്റെ ഭാരം?

നിൻ്റെ ഇതളുകളിലെ

കണ്ണീരിൻ്റെ ഉപ്പ്?

​ഔഷധമൂല്യം ചൊല്ലി

ചായയായും താളിയായും

നിന്നെ മാറ്റുമ്പോൾ

നിൻ്റെ ആത്മാവിൻ്റെ

വേദനയറിയുന്നില്ലവർ.

ചെവിയിൽ ചൂടിയാൽ

ഭ്രാന്തനെന്നു വിളിച്ചവർ

നിൻ്റെ സൗന്ദര്യത്തെ

പരിഹസിച്ചവർ.

​എങ്കിലും നീ പൂക്കുന്നു,

ചുവപ്പു നിറത്തിൽ,

പ്രതീക്ഷയുടെ പ്രതീകമായി.

നിൻ്റെ ഇതളുകളിൽ

പ്രഭാതമണഞ്ഞു,

സൂര്യനെ നോക്കി നീ

പുഞ്ചിരിക്കുന്നു.

നിൻ്റെ രോദനം

മഴയായി പെയ്യുന്നു,

ഭൂമിയെ തണുപ്പിക്കുന്നു.

രചന : ഉംറാസ് മത്തിപ്പറമ്പ്

𝚅𝙰𝚁𝙰𝙼𝙾𝚉𝙷𝙸 𝙾𝙽𝙻𝙸𝙽𝙴 𝙼𝙰𝙶𝙰𝚉𝙸𝙽𝙴

⊶⊷⊶⊷❍❍⊶⊷⊶⊷

വരമൊഴി

കോഡിനേറ്റർ

തങ്കമ്മകപിൽനാഥ്

 94962 63144

സുരേഷ് എരുമേലി

 86065 44750

ശരണ്യ ലിജിത് 

94952 60902

║▌║█║▌│║▌║▌██║▌