സംസ്കാര ക്ലബ്ബിൻ്റെ വിഷു സദ്യ ശ്രദ്ധേയമായി: ജനപങ്കാളിത്തം കൊണ്ട് ശ്രദ്ധ നേടി

സംസ്കാര ക്ലബ്ബിൻ്റെ വിഷു സദ്യ ശ്രദ്ധേയമായി:

ജനപങ്കാളിത്തം കൊണ്ട് ശ്രദ്ധ നേടി

കലാകായിക സാമൂഹിക സാംസ്കാരിക സന്നദ്ധ മേഖലകളിൽ നിറസാന്നിധ്യമായ പെരുവയലിലെ സംസ്കാര ക്ലബ്ബിൻ്റെ നേതൃത്വത്തിൽ സംഘടിപ്പിച്ച വിഷു സദ്യ ജനപങ്കാളിത്തം കൊണ്ട് ശ്രദ്ധേയമായി. സമൂഹത്തിൽ ജനങ്ങൾ തമ്മിൽ അകൽച്ച വർധിച്ചു വരുന്ന ഈ കാലഘട്ടത്തിൽ ഇങ്ങനെയൊരു ഒത്തുചേരൽ സംഘടിപ്പിക്കാൻ സാധിച്ചത് ക്ലബ്ബിൻ്റെ വലിയ നേട്ടമായി വിലയിരുത്തപ്പെടുന്നു.

ഒരുപറ്റം യുവതീയുവാക്കൾ മുന്നിട്ടിറങ്ങിയ ഈ പരിപാടിയിൽ ജാതിമത രാഷ്ട്രീയ ഭേദമെന്യേ നിരവധി ആളുകൾ പങ്കെടുത്തു. പരസ്പരം സ്നേഹവും സൗഹൃദവും പങ്കുവെച്ച ഈ വിഷു സദ്യ നാടിന് ഒരുമയുടെ സന്ദേശം നൽകി. കഴിഞ്ഞ നാല് വർഷത്തോളമായി സംസ്കാര ക്ലബ്ബ് നാടിന് ഉപകാരപ്രദമായ നിരവധി പ്രവർത്തനങ്ങൾ നടത്തി വരുന്നു.

ലഹരിക്കെതിരെ ശക്തമായ ബോധവൽക്കരണ പ്രവർത്തനങ്ങളും ക്ലബ്ബ് നടത്തിയിട്ടുണ്ട്.

വിവിധതരം വിനോദങ്ങളായ ചെസ്സ്, കാരംസ് തുടങ്ങിയ ഗെയിമുകൾ, പത്രവായന എന്നിവ ക്ലബ്ബിൽ പതിവായി നടക്കാറുണ്ട്. എല്ലാ ആഘോഷങ്ങളും ഒരേ മനസ്സോടെ ആഘോഷിക്കുന്ന ഈ കൂട്ടായ്മ നാടിന് മാതൃകയാണ്.

ക്ലബ്ബിൻ്റെ ഭാരവാഹികളായ ശിവദാസൻ, ബാബുരാജ്, മജുനു, ജയചന്ദ്രൻ, ജിനീഷ് എന്നിവരുടെ നേതൃത്വത്തിലാണ് വിഷു സദ്യ വിജയകരമായി സംഘടിപ്പിച്ചത്. വരും ദിവസങ്ങളിലും ക്ലബ്ബ് ഇത്തരത്തിലുള്ള സാമൂഹിക സൗഹൃദ കൂട്ടായ്മകൾക്ക് മുൻകൈയെടുക്കുമെന്ന് ഭാരവാഹികൾ അറിയിച്ചു.