ഗൗരീശങ്കരം സ്കൂൾ ഓഫ് ഡാൻസ് വാർഷികം വേളമാന്നൂർ ഗാന്ധിഭവനിൽ ആഘോഷിച്ചു ​

ഗൗരീശങ്കരം സ്കൂൾ ഓഫ് ഡാൻസ് വാർഷികം വേളമാന്നൂർ ഗാന്ധിഭവനിൽ ആഘോഷിച്ചു

​

നാവായിക്കുളം: നാവായിക്കുളം വെട്ടിയറ ഗൗരീശങ്കരം സ്കൂൾ ഓഫ് ഡാൻസിന്റെ പതിനഞ്ചാമത് വാർഷിക സമ്മേളനം വേളമാന്നൂർ ഗാന്ധിഭവൻ സ്നേഹാലയത്തിൽ വെച്ച് ഭക്തിസാന്ദ്രമായ അന്തരീക്ഷത്തിൽ നടന്നു.

പ്രശസ്ത കഥകളി ആചാര്യൻ ചാത്തന്നൂർ കൊച്ചുനാരായണ പിള്ള ഭദ്രദീപം കൊളുത്തി സമ്മേളനത്തിന്റെ ഉദ്ഘാടനം നിർവഹിച്ചു.

ചടങ്ങിൽ പ്രശസ്ത കവി ഓരനെല്ലൂർ ബാബു അധ്യക്ഷത വഹിച്ചു.

​ഗാന്ധിഭവൻ ചെയർമാൻ ശ്രീ. പ്രേമാനന്ദ്, സെക്രട്ടറി പദ്മാലയം രാധാകൃഷ്ണൻ, ഡോ. അശോക് ശങ്കർ, പി. എൻ. രാധാകൃഷ്ണൻ, വാർഡ് മെമ്പർ റീനാ ഫസൽ, നമിത പീറ്റർ, ബിജി ബിനോയ്‌, ആരതി എസ്. എസ്. തുടങ്ങിയ പ്രമുഖർ സമ്മേളനത്തിൽ പങ്കെടുത്ത് ആശംസകൾ നേർന്നു സംസാരിച്ചു. 

ഗൗരീശങ്കരം ഡാൻസ് സ്കൂൾ ഡയറക്ടറും പ്രശസ്ത നൃത്ത അധ്യാപികയുമായ നന്ദിനി എൻ. എൽ. ചടങ്ങിൽ നന്ദി പ്രകാശിപ്പിച്ചു.

​പുരസ്കാര സമർപ്പണവും ആദരിക്കലും

വാർഷികത്തോടനുബന്ധിച്ച് ഡാൻസ് സ്കൂളിലെ വിദ്യാർത്ഥികളെയും ചടങ്ങിൽ പങ്കെടുത്ത വിശിഷ്ട അതിഥികളെയും പുരസ്കാരങ്ങൾ നൽകി ആദരിച്ചു.

 'നാവായിക്കുളത്തിന്റെ ഇതിഹാസം' എന്ന കൃതി രചിച്ച കവി ഓരനെല്ലൂർ ബാബുവിന് ഗൗരീശങ്കരത്തിന്റെ പ്രത്യേക പുരസ്കാരം നൽകി ചടങ്ങിൽ അനുമോദിച്ചു.

​സ്നേഹസമർപ്പണമായി നൃത്തവിരുന്ന്

സമ്മേളനത്തിന് ശേഷം ഗൗരീശങ്കരം സ്കൂൾ ഓഫ് ഡാൻസിലെ വിദ്യാർത്ഥികൾ അവതരിപ്പിച്ച മനോഹരമായ നൃത്ത പരിപാടികൾ സ്നേഹാശ്രമത്തിൽ അരങ്ങേറി. ആശ്രമത്തിലെ അമ്മമാരെയും അച്ഛന്മാരെയും പൊന്നാട അണിയിച്ച് ആദരിച്ച കുട്ടികൾ, അവർക്കൊപ്പം ഓണസദ്യ കഴിച്ച് സ്നേഹവാത്സല്യങ്ങൾ പങ്കുവെച്ചു. തങ്ങളുടെ പതിനഞ്ചാമത് വാർഷിക ആഘോഷങ്ങൾ ഗാന്ധിഭവനിലെ സ്നേഹാശ്രമത്തിലെ അന്തേവാസികൾക്കായി സമർപ്പിക്കുന്നതായി മറുപടി പ്രസംഗത്തിൽ ഡയറക്ടർ നന്ദിനി ടീച്ചർ വികാരാധീനയായി പറഞ്ഞു.